新到茶#4 " Jolly moment" #聖誕茶 花香果仁香～

一年將盡，街頭巷尾見到不少人提著新一年嘅年曆行過，又知道新一年又到嘞。

年末通常都是豐盛的﹙通常啊﹚。今年我哋終於入到一款美味而不只是外表喜慶的「聖誕茶」Jolly Moment 嘞！ Ho ho ho!!!

呢款茶嘅喜慶之處在於有乾果，有香料﹙肉桂、小豆蔻、粉紅胡椒﹚ ，有食用花﹙#矢藍菊 Cornflower、#玫瑰果 Rosebuds﹚，仲有果仁﹙杏仁 Almond﹚！有啲似西式的八寶茶！

果香加香料就係好聖誕味，食用加上粉紅胡椒，就有節日繽紛。味道嚟講，果酸加甜，就特別適合聖誕新年飽餐一頓之後，沖一杯來解膩消滯。